КОВИД-19” ЦАГ ҮЕИЙН НӨХЦӨЛТЭЙ УЯЛДУУЛАН АЙМГИЙН ЗАСАГ ДАРГЫН ЗАХИРАМЖ ГАРЛАА

Arkhangai.gov.mn

Аймгийн Онцгой комиссын 19 дүгээр хурлын шийдвэрийг үндэслэн Засаг даргын захирамж гарлаа.

Захирамжийг тоймловол:

- Коронавирус /Ковид-19/ халдварын тохиолдол нэмэгдэж байгаатай холбогдуулан аймгийн хэмжээнд хүүхдийн цэцэрлэг, Ерөнхий боловсролын сургуулийн хичээлийг 2021 оны 10 дугаар сарын 01-ний өдрийг хүртэл хугацаанд цахимаар явуулах

- 2021 оны 9 дүгээр сарын 13-ны өдрөөс эхлэх Багшийн сургууль, Мэргэжил сургалт үйлдвэрлэлийн төвийн багш, оюутнуудад байгууллагын төсвөөр түргэвчилсэн оношлуураар шинжилгээ хийж үйл ажиллагааг эхлүүлэхийг Багшийн сургууль, Мэргэжил сургалт үйлдвэрлэлийн төвийн захирал, эрхлэгч нарт үүрэг болгох

- Эрдэнэбулган сумын гадна талбайд худалдаа эрхэлдэг намрын хүнсний ногоо худалдаалах цэгийг халдвар хамгааллын дэглэмийн дагуу тусад нь байрлуулж, хяналт тавьж ажиллахыг Эрдэнэбулган сумын Засаг даргад үүрэг болгох

- Ковид-19 цар тахлын вирусийн мутацлагдсан “дельта” хувилбар нийт хүн амын дунд өргөн тархаж буйтай холбоотой сумын Онцгой комисс тархалтынхаа түвшинг долоо хоног тутам үнэлж, тухайн тархалтын түвшинд тохирсон хариу арга хэмжээг бие даан шуурхай авч ажиллах, үйлчилгээний болон хөдөлгөөний хязгаарлалт, тусгаарлан ажиглах болон тусгаарлан эмчлэх байрыг дайчлах үйл ажиллагааг санаачилгаараа даруй шийдвэрлэн, тогтоосон горим тусгай шаардлагын хангалтад хяналт хийж, зөрчиж буй этгээдэд мэдэгдэл хүргүүлэн хариуцлага тооцож, Шуурхай штабынхаа үйл ажиллагааг улам эрчимжүүлж хариуцлагатай ажиллахыг сумдын Засаг дарга нарт үүрэг болгох

- Аймаг, сумын нутгийн захиргаа, төрийн үйлчилгээний байгууллагууд ажлын тусгай горимоор халдвар хамгааллын дэглэмийг баримтлан үйл ажиллагаагаа тасралтгүй, хэвийн явуулах нөхцөлийг бүрдүүлж, нийт албан хаагчдын 30 хүртэлх хувийг тусгай шаардлага хангаж, халдвар хамгааллын дэглэмийг мөрдүүлэн ажиллуулахыг аж ахуй нэгж, байгууллагын дарга, захирал нарт даалгах

- Улаанбаатар хот, орон нутаг, сум хооронд зорчигч тээврийн хэрэгслийн хөдөлгөөнд халдвараас урьдчилан сэргийлэх зорилгоор Цагаан хаалганы хяналтын постод ажиллах алба хаагчдыг томилж ажиллуулах

- Худалдаа, үйлчилгээний газрууд, гэртээ найр хурим зохион байгуулахгүй байх талаар мэдэгдэл шаардлага хүргүүлэх, олон нийт цугларсан газруудад эргүүл хяналт гаргах

-

- Захирамжийг хэрэгжүүлж ажиллахыг Онцгой байдлын газрын дарга (хурандаа Д.Эрдэнэбаатар), Цагдаагийн газрын дарга (цагдаагийн хурандаа А.Лхагвадорж), Эрүүл мэндийн газрын дарга (Р.Гандиймаа), Мэргэжлийн хяналтын газрын даргын үүргийг түр орлон гүйцэтгэгч (А.Дашхорол), байгууллага, аж ахуй нэгжийн дарга, захирал, сумдын Засаг дарга нарт үүрэг болгох

- Захирамжийн хэрэгжилтэд хяналт тавьж ажиллахыг аймгийн Засаг даргын орлогч (В.Мөнхбат)-д даалгажээ.

May be an image of one or more people and indoor