ОЛИМП-ЭВ НЭГДЭЛ ЧУУЛГА УУЛЗАЛТ ЗОХИОН БАЙГУУЛАГДЛАА

21317623_830282200460309_4091992342724530947_n
Монголын үндэсний олимпын хорооны Олимп-Эв нэгдэл чуулга уулзалт энэ сарын 3-5 өдрүүдэд Архангай аймагт зохион байгуулагдаж байна. Чуулга уулзалтын нээлт Дэмид жанжны талбайд өнөөдөр болж МҮОХ-ны Ерөнхийлөгч Д.Загдсүрэн, МҮОА-ын ерөнхийлөгч Ч.Зоригтбаатар, МҮОХ-ны дэд ерөнхийлөгч Ц.Дамдин, Аймгийн ЗДТГ-ын дарга Б.Цэрэннадмид, Аймгийн БТСХ-ны дарга Ц.Нэргүйбаатар нарын тэргүүтэй хүндэт зочид төлөөлөгчид оролцлоо. Энэхүү чуулга уулзалтад 26 Олимпын зөвлөлийн захирал, арга зүйчид хүрэлцэн ирсэн бөгөөд Олимпизмыг олон нийтэд түгээн дэлгэрүүлэх, сурталчлах зорилготой уг арга хэмжээг зохион байгуулж байгаа юм.

АЙМГИЙН ӨСВӨРИЙН ЖҮДОЧИД УАШТ-ЭЭС ДӨРВӨН ХҮРЭЛ МЕДАЛЬТАЙ ИРЖЭЭ

18268574_773196292848270_5061796802651660773_n

Хөвсгөл аймагт 2017 оны өсвөр үеийн жүдо бөхийн улсын аварга шалгаруулах тэмцээн болжээ. Тэмцээнд хангайн, баруун, төв, зүүн бүсийн мөн хотын аварга гэсэн 5 бүсээс шалгарсан шилдэг 44 байгууллагын 700 гаруй тамирчид өрсөлдсөн байна.

2017 оны жүдо бөхийн өсвөр үеийн улсын аварга шалгаруулах тэмцээнд Архангай аймгийн баг тамирчдаас 34кг-д Н.Баярсайхан хүрэл, 38 кг-д Н.Мэндсайхан хүрэл, 66 кг-д С.Мягмарсүрэн, 32 кг-д Э.Ариунзаяа нар хүрэл медаль хүртжээ. Шагналт 5-р байранд 42 кг С.Сайнбилэг, 55кг Б.Батпүрэв, 60кг Б.Балжинням, 81кг Б.Барсбаатар, 36кг Б.Баасансүрэн нар шалгарсан байна.

Архангай аймгийн жүдо бөхийн холбоо шинэчлэгдэж холбооны тэргүүнээр Архангай аймгийн Засаг дарга Ц.Мөнхнасан болсон байна. Мөн Хүч цом 2017 оны өсвөр үеийн жүдо бөхийн Азийн нээлттэй тэмцээнд Архангай аймгийн Спортын төрөлжсөн сургалттай ЕБС, БТСГ-ын баг тамирчид 2-р мөнгө 2-р хүрэл медаль хүртсэн амжилт гаргажээ.

УЛС ТУНХАГЛАСНЫ БАЯРЫГ УГТАЖ ХҮЧИТ 32 БӨХИЙН БАРИЛДААНЫГ ЗОХИОН БАЙГУУЛАВ

15179173_684200491747851_5797694208994878087_nУлс тунхагласны баярыг Монгол улс 2002 оноос жил бүр тэмдэглэж ирсэн байдаг. Энэ жил улс тунхагласны 92 жилийн баярыг өргөн дэлгэр тэмдэглэн өнгөрүүллээ. Архангай аймгийн хувьд улс тунхагласныхаа баярт зориулан аймаг сумын цолтой хүчит 32 бөхийн барилдааныг 11-р сарын 25-ны өдөр зохион байгууллаа. Барилдааны шөвгийн дөрөвт аймгийн арслан н.Бүрэнжаргал, сумын заан Д.Дондов, н.Энх-Амгалан, залуу бөх н.Ванчиндорж нар үлдсэнээс үзүүр түрүүнд аймгийн арслан Бүрэнжаргал, сумын заан Д.Дондов нар тунаж, сумын заан Д.Дондов түрүүлж, аймгийн арслан н.Бүрэнжаргал үзүүрлэв.

Хангайн цом наадам өргөн дэлгэр боллоо

10806432_369871943187750_974823380308845136_nАрын хангайн яруу найрагчдыг дэмжих, залуу уран бүтээлчдийг идэвхижүүлэх, шүлэг яруу найргийн дээжсийг олон түмэнд түгээн дэлгэрүүлэх зорилготой Хангайн цом яруу найргийн наадам 24 дэх удаагаа амжилттай зохион байгуулагдаж, шилдэг найрагчдыг тодрууллаа.

Архангай аймгийн соёл урлагийн төлөөлөгчид ӨМӨЗО-ны Улаан хад хотод айлчлан тоглолт хийлээ

10505284_294473820727563_8013572133472505570_nМонгол улс,БНХАУ-ын хооронд дипломат харилцаа тогтоосоны 65 жилийн ой, Монгол Хятадын найрсаг харилцаа,хамтын ажиллагааны гэрээ байгуулагдсаны 20 жилийн ойн хүрээнд 2014 оны 08 сарын 14-21 өдрүүдэд ӨМӨЗО-ны Улаанхад хотод болсон Хуншань соёл спортын арга хэмжээнд аймгийн ССАЖГ-ын дарга Ц.Нэргүйбаатараар ахлуулсан соёл урлагийн төлөөлөгчид аймаг орон нутгаа төлөөлөн амжилттай оролцоод ирлээ.

Сумын багачуудын тайлан тоглолт боллоо

тайлан тоглолтБулган сумын хүүхдийн цэцэрлэгийн нээлттэй хаалганы өдөрлөгийн арга хэмжээнд аймгийн Засаг даргын орлогч, тус сумын уугуул М. Батжаргал оролцон авъяаслаг бяцхан хүүхдүүдийн тоглолтыг үзлээ. Эдүүгээ 56 жилийн хавраа үдэж буй хүүхдийн цэцэрлэг 80 гаруй хүүхэдтэйгээр үйл ажиллагаа явуулдаг бөгөөд хүүхдүүд хүрэлцэн ирсэн эцэг эхчүүд, ах эгч нартаа дуу, шүлэг, жүжигчилсэн тоглолтоор бэлэг барин авъяас билэгээ харууллаа.