Аймгийн Засаг дарга удирдах ажилтнуудтай гэрээ байгууллаа

50913093_1142715319216994_5114868100310761472_o Аймгийн Засаг дарга Ц.Мөнхнасан сумдын Засаг дарга нартай 2019 онд хамтран ажиллах гэрээ, агентлагийн дарга, ерөнхий боловсролын сургуулийн захирал, хүүхдийн цэцэрлэгийн эрхлэгч нартай үр дүнгийн гэрээ байгууллаа. Аймгийн Засаг даргын зүгээс 2019 онд хийгдэх ажлын талаар мэдээлэл хийж, цаашид анхаарах асуудлуудын талаар заавар, зөвлөмж өглөө.

Сургууль, цэцэрлэгийн үйл ажиллагааг түр хугацаагаар зогсоов

49947608_1146408668860362_4876344140884869120_o Аймгийн хэмжээнд томуу, томуу төст өвчлөл нийт сумдын 58 хувьд, амбулаторийн үзлэгийн 15 хувиас дээш гарч, өвчлөгсдийн 73,6 хувийг 4 хүртэлх насны хүүхдийн өвчлөл эзэлж байна. 01-р сарын 15-ны байдлаар 67 хүүхэд хэвтэн эмчлүүлж байгаагийн 95 хувийг 0-4 насны хүүхэд эзэлж байгаа ажээ. Ийм учраас аймгийн Эрүүл мэндийн газраас өмчийн хэлбэр харгалзахгүй бүх сургууль, цэцэрлэгийн үйл ажиллагааг түр хугацаагаар зогсоох, олон нийтийг хамарсан ажил, арга хэмжээг зохион байгуулахыг хориглох тухай хүсэлтийг аймгийн Засаг даргад ирүүлсэн.

Үүний хүрээнд өнөөдөр 16.00 цагт сургууль, цэцэрлэгийн захирал, эрхлэгч нартай уулзаж санал авч, ярилцсан. Энэ хурлаар сургууль, цэцэрлэгийн үйл ажиллагааг 2019 оны 01-р сарын 21-ний өдрөөс 02-р сарын 08-ныг дуустал хугацаанд түр хугацаагаар зогсоох шийдвэр гарлаа. Сургууль, цэцэрлэгийн үйл ажиллагааг түр зогсоосонтой холбогдуулан томуу, томуу төст өвчнөөр өвчилсан 0-5 хүртэлх насны хүүхдээ гэрээр асрах, хэвтүүлэн эмчлүүлэх шаардлагатай эцэг, эхчүүд, асран хамгаалагч нарт 3-5 хүртэлх өдрийн цалинтай чөлөө олгохыг бүх шатны төрийн байгууллагын дарга нарт үүрэг болгосон юм. Мөн томуу, томуу төст өвчний дэгдэлттэй холбогдуулан 2019 оны 2 дугаар сарын 08-ны өдрийг хүртэл олон нийтийг хамарсан, хурал, зөвлөгөөн, спорт, урлагийн арга хэмжээ зохион байгуулахыг, давтлага, дугуйлан секцийг хичээллүүлэхгүй байх шийдвэр гарав.

“Хөдөлмөр яармаг үзэсгэлэн худалдаа- 2019”  зохион байгууллаа

50411541_1145081302326432_5177697119594610688_o Тус суманд 2019 оны 01 дүгээр сарын 14-ний өдөр “Хөдөлмөр яармаг үзэсгэлэн худалдаа” болж өнгөрлөө. Уг үзэсгэлэн худалдаанд нийт 18 иргэн 36 нэр төрлийн бүтээгдэхүүнээр оролцож иргэд өргөнөөр хамрагдлаа. Цагаан идээний төрөлд С.Наранцэцэг, Ч.Ууганбаяр, Я,Норжмаа, Хатуу урлалаар Ө.Мөнхбат, Б.Насандэлгэр, Л.Дэлгэрсайхан  нар тус бүр шалгарч 1,2,3 дугаар байр эзлүүллээ. Талх нарийн боовны төрлөөр Т.Мандухай, Оёдол эсгүүрээр Г.Пагамдулам, Суран эдлэлээр П.Өлзийбаяр оролцож тэргүүллээ.

44 булаг ширгэжээ

a0aca45f2cb615f8great Орхон-Чулуут голын сав газрын захиргаанаас усны тоо бүртгэлийн ажлыг өнгөрсөн 8-р сард хийж дуусган, оны өмнө дүнг гаргажээ. Архангай аймагт 594 булаг тоологдсоноос ширгэсэн 44, устай 550, рашаан 16, гол горхи нийт 622 тоологдсоноос ширгэсэн 26, тасарсан 3, устай 598 байна. Харин нуур тойром 142 бүртгэгдсэнээс устай 140, ширгэсэн 2, сэргэсэн 29, худаг 721 тоологдлсоноос өрөмдмөл буюу гүн өрмийн 549, гар худаг 172 тоологджээ. Усны тоо бүртгэлийн ажлыг зохион байгуулах явцад хур бороо элбэгтэй, ялангуяа Хангай нурууны араас усжих томоохон голууд болох Чулуут, Урд Тэрх, Хойд Тэрх, Суман, Гичгэнэ, Хануй зэрэг голууд, тэдгээрийн цутгал голуудын усны түвшин нэмэгдсэн услаг ихтэй  үе тохиосон нь онцлог байжээ. Усны тоо бүртгэлийг Чулуут, Өндөр-Улаан, Хангай, Эрдэнэмандал, Цэцэрлэг, Жаргалант сумдын нутаг дахь усны сан бүхий газар, ус хангамжийн эх үүсвэр, усны барилга байгууламжийг батлагдсан заавар журмыг баримтлан тоолсон байна. Дээрх ажлыг Усны тухай хуулийн 17 дугаар зүйлийн 17.1.4, Архангай аймгийн Засаг Даргын 2018 оны 07 дугаар сарын 23-ны өдрийн А/376 тоот захирамж, Орхон-Чулуут голын сав газрын захиргааны даргын “Усны тоо бүртгэл хийх” ажлын удирдамжийн  дагуу зохион байгуулсан байна.

“Монгол Улсын Үндсэн хуулийн өдөр”-ийг тэмдэглэв

49998219_1142991922535370_2282722397100441600_o
Монгол Улсын Үндсэн хууль батлагдсаны 27 жилийн ойн арга хэмжээний хүрээнд өрлөг жанжин Г.Дэмидийн хөшөөнд цэцэг өргөх ёслолын ажиллагааг зохион байгуулж, АИХ-ын депутатуудад аймгийн Засаг дарга, хэлтэс, агентлагийн удирдлагуудаас хүндэтгэл үзүүллээ.

Байгаль орчны нарийвчилсан болон ерөнхий үнэлгээг хийхээр мэдээлэл цуглуулж байна

49782356_1142950569206172_7725219042360819712_o Архангай аймагт Дулааны станци баригдах гэж буйтай холбоотойгоор Эрчим хүчний яамны захиалгаар байгаль орчны үнэлгээ хийх мэргэжлийн байгууллага “Эко трейд” ХХК-ий ажлын хэсэг Архангай аймагт байгаль орчны нарийвчилсан болон ерөнхий үнэлгээг хийхээр ирж, холбогдох мэргэжилтнүүдтэй уулзлаа. Дээрх ажлын хэсгийнхэн аймагт энэ сарын 11, 12-нд ажиллах бөгөөд Цэцэрлэг хотын сүүлийн 20 жилийн цаг агаарын мэдээ, нийгэм, эдийн засгийн чиглэлийн статистик мэдээ, хүн амын өвчлөл, ялангуяа халдварт өвчний тоон мэдээлэл, дулааны шугам явах газруудад хэдэн орон сууц байгаа, мөн түүх, дурсгалын хөшөө, дурсгал бий эсэх, дулааны станци ашиглалтад ороход эдийн засгийн ямар өөрчлөлтүүд гарах, иргэд ямар хүлээлттэй байгаа зэргийг асуумжаар судлах ажээ.

Байгаль орчны нарийвчилсан болон ерөнхий үнэлгээ ирэх 4-р сард бэлэн болно гэв.

Агентлаг, сум, сургууль, цэцэрлэгийн 2018 оны жилийн үйл ажиллагааг дүгнэв 

49734913_1142924969208732_4502351922191138816_o Аймгийн Засаг даргын зөвлөлийн хурал өнөөдөр өглөө 10.00 цагт эхэлж, 14.30 цагт дуусав. Энэ удаагийн зөвлөлийн хурлаар хууль тогтоомж, тогтоол шийдэрийн хэрэгжилт, сум, агентлагийн 2018 оны үйл ажиллагаанд хийсэн хяналт-шинжилгээ, үнэлгээний дүн, сургууль, цэцэрлэгийн 2018 оны үйл ажиллагаанд хийсэн үнэлгээг хэлэлцлээ. 2018 оны жилийн үйл ажиллагааны ерөнхий үнэлгээгээр ОБГ, ХХҮГ, НДХ, Татварын хэлтэс, Цагдаагийн газар, Батцэнгэл, Чулуут, Хангай, Эрдэнэбулган, Жаргалант сумд эхний таван байрт шалгарсан байна. Харин Төвшрүүлэх, Эрдэнэмандал сумдын удирдлагуудад сахилгын шийтгэл оногдуулахаар шийдвэрлэв. Аймгийн Засаг даргатай 2018 онд байгуулсан үр дүнгийн гэрээний биелэлтээр Ерөнхий боловсролын сургуулиудаас Лаборатори 1-р сургууль тэргүүлж, 3-р сургууль удааллаа. Цэцэрлэгийн тухайд хүүхдийн 1-р цэцэрлэг, Ихтамир сумын хүүхдийн цэцэрлэг, Хайрхан сумын хүүхдийн цэцэрлэг эхний байруудад шалгарсан байна.

Архангай аймгаас улсын аварга малчин зургаа төрлөө

46074322_1103854596449103_8075678817412186112_n Засгийн газрын хуралдаанаар шороон нохой жилийн Улсын аварга малчин, саальчин, фермер, тариаланч, хошой аварга малчин, аварга тариаланч хамт олныг тодрууллаа. “Улсын аварга малчин”-аар 1. Архангай аймгийн Батцэнгэл сумын Цац багийн малчин Лхагважавын Батбаяр, 2. Тариат сумын Мөрөн багийн малчин Пүрэвдоржийн Амгаланбат,  3.Хотонт сумын Хөөвөр багийн малчин Доржцэвээний Амгаланбаатар, 4.Эрдэнэмандал сумын Идэр-Улаан багийн малчин Нацагийн Жамбалганий, 5. Чулуут сумын Зуунмод багийн малчин Данзансамбуугийн Самбууням, 6. Өндөр-Улаан сумын Хануй багийн малчин Даваагийн Орхонтуул нар тодорсон байна. “Улсын аварга саальчин”-аар Өндөр-Улаан сумын Азарга багийн малчин Дугарсүрэнгийн Нямбуунядмаа тодорсон бол “Улсын аварга фермер”-ээр Чулуут сумын Зуунмод багийн малчин Лундаагийн Мясардорж тодорлоо.

Цэргийн шинэчилсэн тоо бүргэл явуулахад холбогдолтой санамж

48362212_599885990444361_8328979611819966464_n Монгол Улсын  цэргийн албны тухай хуулийн 34 дүгээр зүйл. Цэргийн тоо бүртгэл Цэргийн тоо бүртгэл нь жинхэнэ болон бэлтгэл алба хаах үүрэг бүхий иргэний бүртгэл, судалгааны нэгдсэн тогтолцоо мөн. Цэргийн жинхэнэ болон бэлтгэл алба хаах насны иргэн жил бүр цэргийн тоо бүртгэлд бүртгүүлнэ. Бүртгүүлсэн тухай тэмдэглэлийг цэргийн үүрэгтний үнэмлэхэд хийнэ. Цэргийн шинэчилсэн тоо бүртгэлийг аймаг, сум, багийн Засаг даргын захирамжаар жил бүр Засаг захиргааны үндсэн нэгж баг, сумын засаг даргын ажлын байранд зохион байгуулж явуулна. Цэргийн албанд байх насны хязгаар
  • Ахлах офицер-60 нас /хошууч, дэд хурандаа, хурандаа/
  • Дунд офицер-55 нас /дэслэгч, ахлах дэслэгч, ахмад/
  • Эмэгтэй офицер, ахлагч болон байлдагч, түрүүч-50 нас
Цэргийн бэлтгэл үүрэгтэн
  • I зэргийн бэлтгэл үүрэгтэн /цэргийн алба хаасан/-18-50 нас
  • II зэргийн бэлтгэл үүрэгтэн /цэргийн алба хаагаагүй/- 18-50 нас
Бүрдүүлэх бичиг баримт
  • Иргэний үнэмлэх
  • Бэлтгэл офицерийн үнэмлэх
  • Бэлтгэл ахлагчийн үнэмлэх
  • Цэргийн үүрэгтний үнэмлэх
  • Ажлын газрын үнэмлэх
 Цэргийн шинэчилсэн тоо бүртгэлд ам бүл, оршин суугаа гэрийн хаяг, цэргийн анги байгууллагад алба хаасан байдал, албан тушаал, цол, төгссөн сургууль, ажлын газрын хаягаа тодотгон бүртгүүлж, цэргийн үүрэгтний үнэмлэхэд шинэчилсэн тоо бүртгэлд хамрагдсан тухай тэмдэглэл хийнэ. Шинээр 18 нас хүрсэн иргэн
  • Иргэний цахим үнэмлэх
  • 3х4 хэмжээтэй цээж зураг- 3ш
  • Ажлын газрын үнэмлэх
  • Оюутан бол оюутныхоо үнэмлэхтэйгээ багийн Засаг даргын ажлын өрөөнд биеэр очиж бүртгүүлэх бөгөөд /маягт №4/-ийг нээлгэн цэргийн үүрэгтний үнэмлэхэд тэмдэглэл хийнэ.
Иргэн, Цэргийн үүрэгтний хүлээх үүрэг Цэргийн албаны тухай хуулийн 34.6 дугаар заалт Цэргийн бүртгэлд хамрагдах иргэн дараахь үүргийг хүлээнэ; 34.6.1. Нутгийн захиргааны анхан шатны нэгж /баг, хороо /-ийн байранд тогтоосон хугацаанд ирж цэргийн бүртгэлд хамрагдах; 34.6.2.Цэргийн үүрэгтний үнэмлэхийг хаяж, үрэгдүүлэхгүй байх, хаяж үрэгдүүлсэн тохиолдолд нөхөж авах; 34.6.3.Цэрэг татлагын үеэр гурван сараас дээш хугацаагаар гадаад улсад зорчих бол энэ тухайгаа мэдэгдэх; 34.6.4. Өөр газар шилжин суурьших тохиолдолд тухайн оршин суугаа газрынхаа цэргийн бүртгэлээс хасуулж, шилжин очсон газраа цэргийн бүртгэлд бүртгүүлэх; Цэргийн бүтгэлд хамрагдаагүй иргэний хүлээх харицлага;  -Монгол Улсын зөрчлийн тухай хуулийн 15.17 дугаар зүйлийн 3-т заасан Цэргийн бүргэлийн журам зөрчсөн цэргийн бүртгэлд хамрагдаагүй цэргийн үүрэгтэн цэргийн насны иргэнийг 100 / зуун/- нэгжтэй тэнцэх хэмжээний төгрөгөөр торгоно. Монгол Улсын хэмжээнд Цэргийн тоо бүртэглийг 2019 оны 01 дүгээр сарын 02-оос 01 дүгээр сарын 20-ны хооронд сум, багийн нутаг дэвсгэрт явагдана. Иргэн та иргэний болон цэргийн үүргээ ухамсарлан шинэчилсэн тоо бүртгэлдээ бүрэн хамрагдана уу.

Халхын Зая гэгээний түүхэн дуулалт жүжиг тавигдана

Лувсанпэрэнлэй Архангай аймгийн Хөгжимт драмын театрын уран бүтээлчид халхын Зая гэгээний түүхэн дуулалт жүжгийг энэ онднн багтаан тавихаар болж, бэлтгэлдээ орсон байна. Өнөөдрийн байдлаар тайзны сургуулилт эхэлсэн, жүжгийн ажил 40 орчим хувьтай байна. Архангай аймгийн хөгжимт драмын театрын тайзнаа Архангай аймгийн онцлогийг харуулсан, аймгийнхаа алдар гавъяат нэртэй хүмүүсээр хийсэн түүхэн жүжиг байдаггүй байна. Өөрөөр хэлбэл, халхын Зая гэгээний түүхэн дуулалт жүжиг нь анхных болж байгаа юм байна. Архангай нутгийн төдийгүй Монгол түмний бахархал Зая гэгээний түүхэн амьдралаас сэдэвлэсэн энэхүү жүжгийг бүтээж, хойч үедээ сэргээж таниулах нь зүйтэй зүйтэй гэдэг үүднээс энэхүү жүжгийн онцлон авчээ. Жүжгээрээ хүмүүжил, ёс суртахуун, төлөвшил, ёсзүйг хүмүүст үзүүлэхийг зорьжээ. Зая гэгээний түүхэн дуулалт жүжгийг СГЗ Г.Жамц анх санаачлан, түүхийн талаас нь судалж, түүхэн зөвлөхөөр ажиллаж байна. Хөгжмийн зохиолчоор Эрдэнэмандал сумын уугуул, төрийн соёрхолт С.Соронзонболд, ерөнхий найруулагчаар “Цагаан лавай” чуулгын үүсгэн байгуулагч, ерөнхий найруулагч, дарга Д.Батболд, ерөнхий хормистрээр УДБЭЧ-ын ерөнхий хормистр н.Эрдэнэцог, үндэсний хөгжмийн багшаар СУИС-ын морин хуурч багш н.Мөнхбат, бүжиг дэглээчээр СУИС-ын багш н.Одбаяр нар ажиллаж байна. Мөн Энэхүү жүжиг нь нийт 160.0 сая төгрөгөөр босч байгаа ба ирэх 12 дугаар сарын 10-нд нээлтээ хийхээр төлөвлөн ажиллаж байна.