Халхын Зая гэгээний түүхэн дуулалт жүжиг тавигдана

Лувсанпэрэнлэй Архангай аймгийн Хөгжимт драмын театрын уран бүтээлчид халхын Зая гэгээний түүхэн дуулалт жүжгийг энэ онднн багтаан тавихаар болж, бэлтгэлдээ орсон байна. Өнөөдрийн байдлаар тайзны сургуулилт эхэлсэн, жүжгийн ажил 40 орчим хувьтай байна. Архангай аймгийн хөгжимт драмын театрын тайзнаа Архангай аймгийн онцлогийг харуулсан, аймгийнхаа алдар гавъяат нэртэй хүмүүсээр хийсэн түүхэн жүжиг байдаггүй байна. Өөрөөр хэлбэл, халхын Зая гэгээний түүхэн дуулалт жүжиг нь анхных болж байгаа юм байна. Архангай нутгийн төдийгүй Монгол түмний бахархал Зая гэгээний түүхэн амьдралаас сэдэвлэсэн энэхүү жүжгийг бүтээж, хойч үедээ сэргээж таниулах нь зүйтэй зүйтэй гэдэг үүднээс энэхүү жүжгийн онцлон авчээ. Жүжгээрээ хүмүүжил, ёс суртахуун, төлөвшил, ёсзүйг хүмүүст үзүүлэхийг зорьжээ. Зая гэгээний түүхэн дуулалт жүжгийг СГЗ Г.Жамц анх санаачлан, түүхийн талаас нь судалж, түүхэн зөвлөхөөр ажиллаж байна. Хөгжмийн зохиолчоор Эрдэнэмандал сумын уугуул, төрийн соёрхолт С.Соронзонболд, ерөнхий найруулагчаар “Цагаан лавай” чуулгын үүсгэн байгуулагч, ерөнхий найруулагч, дарга Д.Батболд, ерөнхий хормистрээр УДБЭЧ-ын ерөнхий хормистр н.Эрдэнэцог, үндэсний хөгжмийн багшаар СУИС-ын морин хуурч багш н.Мөнхбат, бүжиг дэглээчээр СУИС-ын багш н.Одбаяр нар ажиллаж байна. Мөн Энэхүү жүжиг нь нийт 160.0 сая төгрөгөөр босч байгаа ба ирэх 12 дугаар сарын 10-нд нээлтээ хийхээр төлөвлөн ажиллаж байна.

“Өрх бүр үйлдвэрлэгч” аймгийн дэд хөтөлбөрийг батлав

46847360_1209359919205292_7461633961647669248_o

Аймгийн иргэдийн Төлөөлөгчдийн Хурлын Тэргүүлэгчдийн 11-р сарын 29-ний өдрийн хуралдаанаар “Өрх бүр үйлдвэрлэгч” аймгийн дэд хөтөлбөрийг баталлаа. Энэхүү дэд хөтөлбөр нь аймгийн Засаг даргын 2016-2020 оны үйл ажиллагааны хөтөлбөрийн “Хэрэглэгчээс – үйлдвэрлэгч” аймаг болох зорилтын хүрээнд батлагдаж байгаа юм. 
“Өрх бүр үйлдвэрлэгч” аймгийн дэд хөтөлбөр нь жижиг бизнес эрхлэгчид, өрх толгойлсон эмэгтэйчүүдийг дэмжих ба сум, багийн нутгаар өнгөрч байгаа цахилгааны эх үүсвэрийг ашиглан жижиг үйлдвэрлэлийг хөгжүүлэх зорилготой юм.

Эд хөрөнгийн бүртгэлийн 2 төрлийн лавлагааг ТҮЦ машинаас авдаг боллоо

46506273_288801391756550_4129335863664443392_n Монгол улсын Засгын газар, Дэлхийн банкнаас  хамтран хэрэгжүүлж байгаа “Ухаалаг Засаг” төслийн хүрээнд эд хөрөнгийн эрхийн бүртгэлийн архивын баримт бичгийг цахимжуулах ажлыг Архангай аймагт энэ онд хийж дуусгалаа. Аймгийн Улсын бүртгэлийн хэлтэсээс эд хөрөнгийн бүртгэлийн 18098 ширхэг хувийн хэрэг материал буюу 503487 ширхэг хуудас цаасан нотлох баримтыг цахимуулан, бүртгэлийн үйлчилгээг онлайн горимд бүрэн шилжүүлсэн байна. Архивын цаасан баримтыг цахимжуулж нэгдсэн мэдээллийн систем бий болсоноор эх нотлох баримтын хадгалалт хамгаалалт сайжрахын зэрэгцээ эд хөрөнгийн бүртгэлийн үйлчилгээ иргэдэд зардал багатай хүртээмжтэй хүрэх боломж нэмэгдсэн байна. Ийнхүү цахим болсноор иргэд эд хөрөнгийн 2 төрлийн лавлагааг ТҮЦ машинаас авахаас гадна Монгол орны аль ч өнцөгөөс өөрийн эд хөрөнгийн мэдээллийг бүрэн авах боломжтой боллоо.

“Эерэг болГоё” сэдэвт эцэг эхийн өдөрлөг болов

46495716_562120014278586_5985998638873051136_n

Энэ сарын 14-ны өдөр Ерөнхий боловсролын сургууль, дотуур байранд хүүхдийн сурч, амьдрах эрүүл, аюулгүй орчныг бүрдүүлэх, сэтгэлзүйн аливаа дарамт, шахалтгүй эерэг харилцаа бий болгох зорилгоор Батцэнгэл сумын Ерөнхий боловсролын сургуулиас санаачлан “Эерэг БолГоё” эцэг эхийн өдөрлөгийг өртөөчилсөн хэлбэрээр зохион байгууллаа.

Архангай аймгийн сумдад багийн төв барих 265 сая төгрөгийн тендерт татан буугдсан компанийг шалгаруулаагүй

46479278_1108189362682293_2949847194603094016_n Авлигатай тэмцэх газрын албаны сайтад нийтлэгдсэн “Архангай аймгийн сумдад багийн төв барих 265.0 сая төгрөгийн тендерт татан буугдсан компанийг шалгаруулжээ” гарчигтай мэдээ нь ташаа мэдээлэл учраас Архангай аймгийн Орон нутгийн өмчийн газраас албаны залруулга гаргаж байна. Төрийн худалдан авах ажиллагааны цахим систем /tender.gov.mn/-д 2018 оны 05-р сарын 09-нд Цахир сумын Баянгол баг, Төвшрүүлэх сумын Хөхсүм баг, Цэнхэр сумын багийн нэгдсэн төвийг барих, Батцэнгэл сумын Дэл багийн төвийг барилгыг худалдан авах гэсэн 4 багцтай, 265.0 сая төгрөгийн батлагдсан төсөвтэй нэг тендерийг зарласан. Тендерт шалгарсан нэр бүхий 4 компани нь 232.6 сая төгрөгийн тендерийн үнээр багийн төвүүдийг барьж, хүлээлгэн өгсөн. Үүнд: Цахир сумын Баянгол багийн төвийг “БГБС” ХХК 63.0 сая төгрөгөөр, Төвшрүүлэх сумын Хөхсүм багийн төвийг “Тамир Таун” ХХК 62.6 сая төгрөгөөр, Цэнхэр сумын багийн нэгдсэн төвийн барилгыг “Газрын гагнаас” ХХК 67.0 сая төгрөгөөр тус тус барьж гүйцэтгэн, ашиглалтад хүлээлгэн өгсөн бол Батцэнгэл сумын Дэл багийн төвийн барилгыг “Легион” ХХК-иас 40.0 сая төгрөгөөр орон нутгийн өмчид худалдан авч, одоо ашиглаж байна. “Легион” ХХК нь 2016 оны 12-р сард Улаанбаатар хотод Улсын бүртгэлд бүртгэгдэж, 6134718 регистрийн дугаартайгаар одоо үйл ажиллагаа явуулж байгаа компани байна

Шүлхий өвчний үеэр 170 орчим сая төгрөгийн зардал гарчээ

46283454_502064440271590_8296364849944854528_n Архангай аймагт өнгөрөгч хавар 8 сумын нутагт шүлхий өвчин гарч айл өрх, аж ахуйн нэгж, аймаг орон нутагт зөвхөн мөнгөн дүнгээр 170 орчим сая төгрөгийн зардал гарсан байна. Үүнээс гадна малчдын мах, сүү цагаан идээ боловсруулах, хувийн хэвшлийн худалдаа, бензин түгээх газруудын ажиллаагүй өдрийн орлого, аялал жуулчлалын цуцлагдсан захилга, малчдын сэтгэл санааны хохирол зэргийг тооцвол их дүн гарна. Шүлхий өвчнийг малчин, иргэн өөрийн санаатай болон санамсаргүй үйлдлээсээ болж тархаах, цааш нь даамжруулах асуудал гарсанд аймгийн Цагдаагийн газар, Мэргэжлийн хяналтын газраас холбогдох арга хэмжээг авч, одоогийн байдлаар 72 эзэн холбогдогчид 10 орчим сая төгрөгийн торгууль оногдуулаад ажиллаж байна. Энэ дотор цөөн тооны төрийн албан хаагч ч байгаа ажээ. Мөн буруу ташаа мэдээлэл тарсан зүйл ч байгаа юм. Тухайлбал “Цэнхэр сумын Буйлан багийн малчин С.Хүрэлхүү гэдэг хүн шүлхий өвчин тараасан” гэсэн мэдээллийн мөрөөр хууль журмын дагуу шалгахад энэ хүн нь уг өвчинтэй хамааралгүй нь тогтоогдсон. Харин Өгийнуур сумын Дойт багаас иргэн Пүрэвдорж нь 59 ямаа, 28 тооны хонь ачиж ирснээс ойр хавийн айлуудад шүлхий гарсан нь тогтоогдсон. Хариуцлага тооцох ажлыг хууль хяналтын байгууллагынхан холбогдох хуулийн дагуу хийж байна.

“Гэрэлт гудамж”-тай болов

46178210_1104973976337165_1335188161323597824_o
Аймгийн ЗДТГ-ын урд талын саад буюу “Барилгачдын саад”-ыг орон нутгийн хөгжлийн сангийн хөрөнгөөр “Гэрэлт гудамж” болгож тохижуулав. Энэ ажлыг “Цамц” ХХК тендерт шалгаран гүйцэтгэсэн байна.

“Шинэ Наран хороолол”-ын хэсэгчилсэн ерөнхий төлөвлөгөөг танилцуулав

46170985_175340620081801_2639963221137555456_n Архангай аймгийн Цэцэрлэг хотын хөгжлийн ерөнхий төлөвлөгөө хийгдэж байгаатай холбогдуулан “Шинэ Наран хороолол”-ын хэсэгчилсэн ерөнхий төлөвлөгөөг хийж байна. “Шинэ Наран хороолол”-ын хэсэгчилсэн ерөнхий төлөвлөгөөний эхний ээлжийн зураг болох хорооллын ерөнхий төлөвлөгөө, цэвэр бохирын шугам яаж явах, хаанаас эх үүсвэрийг татах, эрчим хүчний хангалт, цахилгаан холбоо буюу шилэн кабель, үүрэн холбоог хэрхэн зохицуулах талаар дэлгэрэнгүй мэдээллийг аймгийн удирдлагууд болон мэргэжлийн байгууллагуудад танилцуулж, санал авлаа. Уг танилцуулгаар  “Шинэ Наран хороолол”-д 5000 хүн амьдрана гэж тооцож орчин үеийн дэд бүтцээр бүрэн хангагдсан, нийт 14 орон сууцтай, хоёр цэцэрлэг, хоёр сургууль, хүүхэд залуучуудын парк, үйлчилгээний газрууд гэх зэргийг төлөвлөсөн байна. Синх:  Аймгийн Засаг дарга Ц.Мөнхнасан, ГХБХБГ-ын дарга Н.Мөнхбаяр “Шинэ Наран хороолол”-ын хэсэгчилсэн ерөнхий төлөвлөгөөг ирэх 12 сард хүлээж авах ба аймгийн ИТХ-аар дээрх төлөвлөгөө болон Цэцэрлэг хотын хөгжлийн ерөнхий төлөвлөгөө хоёрыг хэлэлцэх юм байна.

Улсын тусгай хамгаалалттай бүс нутагт 61 өрхийн мал өвөлжинө

46074322_1103854596449103_8075678817412186112_n
Архангай аймгийн хэмжээнд энэ онд Улсын тусгай хамгаалалттай бүс нутагт Чулуут, Булган, Цэнхэр сумдын 61 өрхийн 12.7 мянган толгой мал өвөлжиж, нэмэгдэл тэжээлд 1682.7 мянган толгой мал, байран малалгаанд 79.8 мянган толгой мал өвөлжихөөр байна.
 
Мөн Ихтамир, Тариат, Өлзийт, Жаргалант, Цэнхэр, Эрдэнэбулган, Цэцэрлэг сумдын 834 өрхийн 296.2 мянган толгой мал өөрийн аймгийн бусад сумын нутагт, Хангай, Цэцэрлэг, Өлзийт, Хайрхан, Жаргалант сумдаас 48 өрхийн 15.8 мянган толгой мал Баянхонгор, Хөвсгөл, Булган, Дорнод аймгуудийн нутагт отроор өвөлжих юм.
 
Өндөр-Улаан сумын тухайд багийн Иргэдийн нийтийн хурлаараа тус сумын нутагт өвөлжих гадны сумын малчдад мөнгөн төлбөр оногдуулах, зөвшөөрөлгүй ирсэн мал бүхий өрхийг өвөлжөөндөө дур мэдэн буулгасан малчдад хариуцлага оногдуулахаар шийдвэрлэжээ.

Төвшрүүлэх сумын Хөх сүм багийн төв шинэ байртай болов

46031623_2066644750332569_510431883599806464_n Аймгийн иргэдийн Төлөөлөгчдийн Хурлаас баталсан “Аймгийн хөгжил багаас”-дэд хөтөлбөрийн хүрээнд 62,6 сая төгрөгийн санхүүжилтээр Төвшрүүлэх сумын Хөхсүм баг төрийн үйлчилгээний шинэ байртай боллоо. Аймгийн ЗДТГ-ын Төрийн захиргааны удирдлагын хэтсийн дарга дарга Ш.Гомбодорж нээлтийн үеэр хэлсэн үгэндээ “Орон нутагт багийн хөгжлийг дэмжих зорилгоор олон ажил хийж байгаагийн нэг нь энэ өргөө юм. Ингэснээр төрийн үйлчилгээ иргэдэд чирэгдэлгүй хүргэх боломжтой боллоо” гэж онцлоод, явуулын өсгөгч хандивласан бол аймгийн Хурлын төлөөлөгч М.Батболд “Сумын удирдлагууд, иргэд та бүхэнтэйгээ цаашид ч үр дүнтэй хамтран ажиллах болно” гээд 380 кв-ийн хүчин чадалтай мотор хандивлав. Мөн Улсын сайн малчин С.Алтангэрэлийн гэр бүлээс багийн Засаг даргын унаанд мотоцикль, н.Шарав-Арилдий, н.Наранцэцэг нар суурин утас, Р.Ганболд 100.000 төгрөг, байгаль хамгаалагч Ч.Болд болон Ш.Ганбаатар, н.Хатанбаатар, н.Амар, н.Даваасүрэн зэрэг малчид хонь малаар багийн санд мялаалга өргөсөн байна.