Булган суманд байгаль хамгаалах төсөл хэрэгжинэ

  43123219_1081051852062711_4992935529260515328_o Англи Улсын Засгийн газрын санхүүжилтээр Лондонгийн амьтан судлалын нийгэмлэгийн Монгол дахь хөтөлбөрийн газар нь “Ой хээрийн эко систем болон ховордож буй амьтдыг нутгийн иргэдийн оролцоотойгоор хамгаалах нь” төслийг Архангай аймгийн Булган сумын Хойд могойн гол-Тээлийн орон нутгийн тусгай хамгаалалттай газрын нийт 137,000 га талбай газарт хэрэгжүүлэх юм. Төсөл хэрэгжих 137,000 га талбайд нийт 400 гаруй өрх байгаа бөгөөд тэдгээр өрхийн амьжиргааг дээшлүүлэх ажил хийхээс гадна бэлчээрийн болон ойн менежментийг хэрэгжүүлж, биологийн олон янз байдлын судалгаа, хамгааллын ажил хийх аж. Төслийн хэмжээнд дээрх бүс нутгийн үнэт зүйл нь Монгол тарвага, баданга хүдэр, эдлэг шонхор, хээрийн бүргэд зэрэг байгальд ач холбогдолтой амьтдыг хамгаалах, судлах юм. Ингэснээр байгалийн экологийн тэнцвэртэй байдал хадгалагдана гэж үзэж байгаа юм. “Ой хээрийн эко систем болон ховордож буй амьтдыг нутгийн иргэдийн оролцоотойгоор хамгаалах нь” төсөл 2018-2021 он хүртэл хугацаанд хэрэгжих ба төслийн багийнхан аймгийн Засаг дарга Ц.Мөнхнасан, ЗДТГ-ын дарга Б.Цэрэннадмид нартай уулзаж, төслийн талаарх мэдээллийг өглөө. Тус төслийг аймгийн болон Булган сумын удирдлагууд, иргэд дэмжин хамтран ажиллахаа илэрхийлэв.

“Ногоон паспорт” аянд 350 гаруй сурагч нэгдэв

42919075_459837957841474_4139222689401274368_n Байгаль орчин, аялал жуулчлалын яамнаас “Ногоон паспорт” аяныг 9-р сарын 20-ноос 10-р сарын 3-ны хооронд улс орон даяар эхлүүлсэн. Энэхүү аяны нээлт Архангай аймагт энэ сарын нэгний өдөр болж, Эрдэнэбулган сумын ерөнхий боловсролын таван сургуулийн 9-11-р ангийн 350 гаруй сурагч, багш нартайгаа оролцож “Ногоон паспорт”-ыг гардан авлаа. Хүүхдүүд ногоон паспортыг авснаар нэг жилийн туршид есөн зорилтын хүрээнд хийсэн ажлаа бичиж бөглөх юм. Дараа нь Цэнгэг усны нөөц, байгаль хамгаалах төвд хураалгаж, байгаль хамгаалах чиглэлээр хэн сайн ажил хийж паспортоо нөхөж бичсэн байна, түүнийг уулсын хэмжээнд шалгаруулж урамшуулах ажээ. Архангай аймгийн хувьд “Ногоон паспорт” аяны хүрээнд “Нэг сурагч-нэг мод” аяныг эхлүүлж, “Зая” цогцолборт 300 гаруй шар хуайс мод тарьжээ. Эдгээр  сурагчид аянаа үргэлжлүүлж, мод тарих бүх нийтийн өдрөөр 1000 орчим мод тарихаар төлөвлөжээ. “Ногоон паспорт” аяны нээлтэд аймгийн Засаг дарга Ц.Мөнхнасан оролцож, эх дэлхийгээ хайрлан хамгаалах үйлсэд иргэн бүрийн оролцоо чухал учир хамтдаа “Ногоон паспорт” аянд нэгдэцгээе хэмээн залуучуудыг уриаллаа.

Засгийн газрын тогтоолуудын хэрэгжилттэй танилцав

42122734_1073913296109900_7423221505024065536_nЗа Монгол Улсын Засгийн газрын 2017 оны “Сахилга, дэг журмыг чангатгах тухай” 01 дүгээр албан даалгавар, “Төрийн албаны сахилга хариуцлага, дэг журмыг чангатгах тухай” Засгийн газрын 2018 оны 258 дугаар тогтоолын хэрэгжилтийг дүгнэх зорилгоор аймгийн Засаг даргын 2018 оны 09 дүгээр сарын 07-ны өдрийн А/451 дугаартай захирамжаар аймгийн Засаг даргын Тамгын газрын дарга Б.Цэрэннадмидаар ахлуулсан ажлын хэсгийг 9 албан тушаалтны бүрэлдэхүүнтэй байгуулж, 09 дүгээр сарын 07-14-ний өдрүүдэд Засаг даргын эрхлэх асуудлын хүрээний хэрэгжүүлэгч агентлаг, төрийн өмчийн компани, сумдын ИТХ, ЗДТГ зэрэг байгууллагуудыг шалгалтад хамрууллаа.сгийн газрын тогтоолуудын хэрэгжилттэй танилцав……….Монгол Улсын Засгийн газрын 2017 оны “Сахилга, дэг журмыг чангатгах тухай” 01 дүгээр албан даалгавар, “Төрийн албаны сахилга хариуцлага, дэг журмыг чангатгах тухай” Засгийн газрын 2018 оны 258 дугаар тогтоолын хэрэгжилтийг дүгнэх зорилгоор аймгийн Засаг даргын 2018 оны 09 дүгээр сарын 07-ны өдрийн А/451 дугаартай захирамжаар аймгийн Засаг даргын Тамгын газрын дарга Б.Цэрэннадмидаар ахлуулсан ажлын хэсгийг 9 албан тушаалтны бүрэлдэхүүнтэй байгуулж, 09 дүгээр сарын 07-14-ний өдрүүдэд Засаг даргын эрхлэх асуудлын хүрээний хэрэгжүүлэгч агентлаг, төрийн өмчийн компани, сумдын ИТХ, ЗДТГ зэрэг байгууллагуудыг шалгалтад хамрууллаа.Засгийн газрын тогтоолуудын хэрэгжилттэй танилцав……….Монгол Улсын Засгийн газрын 2017 оны “Сахилга, дэг журмыг чангатгах тухай” 01 дүгээр албан даалгавар, “Төрийн албаны сахилга хариуцлага, дэг журмыг чангатгах тухай” Засгийн газрын 2018 оны 258 дугаар тогтоолын хэрэгжилтийг дүгнэх зорилгоор аймгийн Засаг даргын 2018 оны 09 дүгээр сарын 07-ны өдрийн А/451 дугаартай захирамжаар аймгийн Засаг даргын Тамгын газрын дарга Б.Цэрэннадмидаар ахлуулсан ажлын хэсгийг 9 албан тушаалтны бүрэлдэхүүнтэй байгуулж, 09 дүгээр сарын 07-14-ний өдрүүдэд Засаг даргын эрхлэх асуудлын хүрээний хэрэгжүүлэгч агентлаг, төрийн өмчийн компани, сумдын ИТХ, ЗДТГ зэрэг байгууллагуудыг шалгалтад хамрууллаа.

Малчин залуус урлаг, спортын 20 орчим төрлөөр өрсөлджээ

42145998_273085939994538_2648306461398007808_n Батцэнгэл сумын Засаг даргын нэрэмжит “Малчин бүсгүйчүүдийн хөдөлмөр бүтээлийн анхдугаар уралдаан”, Хөнөг багийн нэрэмжит “Малчин залуучуудын урлаг, спортын наадам 2018”-ыг 09 дүгээр сарын 17, 18-ны өдрүүдэд Батцэнгэл сумын ЗДТГ-аас зохион байгууллаа. Малчин бүсгүйчүүдийн мал маллах, сүү цагаан идээ боловсруулах уламжлалт арга барилыг өвлүүлэн үлдээх,  тэдний хөдөлмөр бүтээлийг үнэлэх, алдаршуулах, олон нийтийн хүртээл болгох, цагаан идээний хэрэглээг нэмэгдүүлэх, малчин залуусын нийгмийн идэвхи оролцоог өрнүүлэх, урлагийн авьяас, спортын ур чадварыг нээн илрүүлэх, хөгжүүлэх зорилгоор дээрх арга хэмжээг зохион байгуулжээ. Тус арга хэмжээнд жилийн дөрвөн улирлын турш хөдөө мал маллан амьдардаг 200 орчим малчин залуу “Шилдэг саальчин”, “Хамгийн сүүтэй Монгол үнээ”, “Хамгийн сүүтэй гүү”, “Хамгийн сэтгэлд нийцтэй айраг”, “Хамгийн сайхан ааруул”, “Хамгийн амтлаг ээзгий” шалгаруулах уралдаанд оролцсон байна. Мөн тэд зөвхөн сааль сааж, мал маллах биш спортын төрлүүд болох гарбөмбөг, олс таталт, буухиа, сагсанбөмбөгийн шидэлт зэрэг төрлүүдэд өрсөлдсөхөөс гадна үндэсний сурын харваа, цолгүй залуу бөхчүүдийн тойргийн барилдаан, гоцлол дуу, хоршил дуу, ерөөл, магтаал, уран уншлага зэрэг нийт 20 орчим төрлөөр авьяас билэг, ур чадвар, хурд хүчээ сорин өрсөлджээ. Дээрх уралдаан наадамд нийлбэр дүнгээр тэргүүн байранд Х.Даваадорж даргатай Цац баг, дэд байранд Д.Төгс даргатай Дэл баг, гутгаар байранд С.Нэргүй даргатай Улаанчулуу баг тус тус шалгарч алт, мөнгө, хүрэл медаль, Dell  брендийн зөөврийн компьютер, мөнгөн шагналын эзэд болсон байна. Уг арга хэмжээний үеэр эцэг мал, суран эдлэл, цагаан идээний үзэсгэлэн худалдааг зохион байгуулжээ.

Хэлмэгдэгсдийн хөшөөнд цэцэг өргөв

41513699_1068316520002911_1864057115459452928_o ‘’Хэлмэгдэгсдийн өдөр’’-ийг жил бүрийн 9-р сарын 10-ны өдөр улс орон даяар тэмдэглэн өнгөрүүлдэг. Өнөөдөр аймгийн ИТХ, цагаатгах ажлыг удирдан зохион байгуулах аймгийн салбар комиссоос хэлмэгдэгсдийн хөшөөнд цэцэг өргөлөө. Тус арга хэмжээнд аймгийн удирдлагууд, хэлмэгдэгсдийн гэр бүл, үр хүүхдүүд, сурагчид оролцов. Архангай аймгийн Цагаатгах ажлыг удирдан зохион байгуулах салбар комисс аймгийн ИТХТ-ийн тогтоолоор 1997 онд байгуулагдсан бөгөөд Комиссын даргаар аймгийн ИТХ-ын дарга, нарийн бичгийн даргаар аймгийн ИТХТ-ийн нарийн бичгийн дарга, гишүүдээр хэлтэс, агентлагийн дарга нар ажилладаг байна. Салбар комисс байгуулагдсан цагаасаа хойшхи хугацаанд Улс төрийн хилс хэрэгт хэлмэгдэгсдийг цагаатгах, тэдэнд нөхөн олговор олгох тухай хуулийн хэрэгжилтийг хангаж, хэлмэгдэгсдийн нэр төрийг сэргээх, дурсгалыг мөнхжүүлэх, хэлмэгдэгсэд, тэдний үр хүүхдүүд, гэр бүлийнхэнд тусламж дэмжлэг үзүүлэх, Цагаатгах ажлыг удирдан зохион байгуулах улсын комиссын заавар зөвлөмжийг хэрэгжүүлэх зэрэг ажлыг хийсээр иржээ.

Эрээн хотын төлөөлөгчид Архангай аймагт айлчлав

40626151_1064469090387654_9049966666468818944_n БНХАУ-ын Эрээн хотын намын хорооны дарга Тянь Юн, намын хорооны нарийн бичгийн дарга Ян Зиньрүй нараар ахлуулсан ажлын хэсэг энэ амралтын өдрүүдэд Архангай аймагт ажлын айлчлал хийв. Айлчлалын үеэр Эрээн хотын төлөөлөгчдийн зүгээс боловсрол, соёл, эрүүл мэндийн чиглэлээр хамтран ажиллах боломжтойг хэлж байлаа. Мөн аймгийн Засаг даргын зүгээс байгалийн аялал жуулчлал, нүүдлийн ахуйн соёл, мал аж ахуй зэрэг чиглэлээр аялал жуулчлалыг татаж, хөгжүүлж болох юм гэдгийг хэлэв. Эрээн хотын намын хорооны дарга Тянь Юн аймгийн Засаг дарга болон аймгийн удирдлагуудыг Эрээн хотод айлчлахыг урив.

ӨНДӨР-УЛААН СУМЫН СУРГУУЛИЙН ТҮҮХТ 80 ЖИЛИЙН ОЙН АРГА ХЭМЖЭЭ ӨРГӨН ДЭЛГЭР БОЛЖ БАЙНА

37746639_2192662084097137_760103039800442880_o
Өндөр-Улаан сумын сургуулийн түүхт 80 жилийн ойн арга хэмжээнд нийт 76-н төгсөлтийн 1500 гаруй төгсөгч Монгол орны өнцөг булан бүрээс цугларан ойн арга хэмжээндээ ёслол хүндэтгэлтэй оролцож байна.
Ойн арга хэмжээнд аймгийн Засаг дарга Ц.Мөнхнасан, ИТХ-ийн нарийн бичгийн дарга М.Батдорж, аймгийн БСУГ-ын дарга Ц.Мөнхбат болон бусад төлөөллүүд оролцон хүндэтгэл үзүүлж эрхэлсэн ажилдаа олон жил бүр бүтээлтэй ажилласан ахмадуудыг Монгол Улсын одон медалиар шагналаа. Үүнд: Хөдөлмөрийн гавьяаны улаан тугийн одонгоор Г.Бямбасүрэн, Алтан гадас одонгоор Ж.Ганбат, Б.Махбал, А.Норолхоо, Ц.Цэнд-Аюуш, Д.Жавсангүндэв, Б.Замандийсүрэн Хөдөлмөрийн хүндэт медалиар Ц.Адилбиш, С.Лхамсосор, Ш.Цэцгээ нар шагнууллаа. Мөн БСШУС-ны яамны болон Архангай аймгийн Засаг даргын жуух бичиг, бусад шагналаар шагнаж, урамшууллаа.

Архангай аймгийн уугуул улсын гарьд, заан цолтнуудад хүндэтгэл үзүүлэв

37559735_1021939064640657_1712483119673638912_n Архангай аймгийн баяр наадмаар УИХ-ын гишүүд, аймгийн удирдлагууд Халхын Эрдэнэ Зая Бандидын VII дүр Лувсанданзанпүлжинжигмэд, Монгол Улсын аварга Ч.Санжаадамба, Монгол Улсын гарьд Д.Рагчаа, Монгол Улсын заан Ч.Гочоосүрэн, Д.Хишигдорж нарт мөнгөн аяга, мөнгөн эмээл хазаартай мориор хүндэтгэл үзүүллээ. Мөн өсвөрийн бөх Ө.Шийрэвийг Засгийн газрын хэрэгжүүлэгч агентлаг Гэр бүл, Хүүхэд, Залуучуудын хөгжлийн газрын “Авъяас” алтан медалиар шагнасныг гардуудж өгөв.

“ТОРГОНЫ ЗАМ БА НҮҮДЭЛЧИД” ОЛОН УЛСЫН ЭРДЭМ ШИНЖИЛГЭЭНИЙ БАГА ХУРАЛ БОЛЖ БАЙНА

37377542_1016469278520969_7478135359142887424_n “Оюунлаг Архангайнхан” эрдэм-шашин, соёл урлагийн арга хэмжээний нэг болох “Торгоны зам ба Нүүдэлчид” олон улсын эрдэм шинжилгээний бага хурал өглөө 09.00 цагт “Майдар сан”-гийн жуулчны баазад эхэллээ. “Торгоны зам” олон улсын эрдэм шинжилгээний бага хурал нь ЮНЕСКО-гийн хөтөлбөрийн хүрээнд зохион байгуулагдаж байгаа юм. Тус хуралд 12 орны 40 гаруй эрдэмтэд оролцож байна. “Торгоны зам” нь манай тооллын өмнөх 115 оноос XIII зууныг хүртэл хамгийн чухал худалдаа арилжааны зам байсан бөгөөд уг замаар зөвхөн худалдаачид, цэргүүд зорчиж байсангүй. Харин бүхэл бүтэн соёл, шинжлэх ухаан, шашин шүтлэг зүүнээс баруун руу, баруунаас зүүн рүү чиглэн “зорчиж” байсан нь дэлхийн болон Монголын түүхнээ бичигдсэн байдаг. Дээрх эрдэмтэд, судлаачид нүүдэлчдийн уламжлал, түүх, соёл, зан заншлыг өнөөгийн өндөрлөгөөс дүгнэн хэлэлцэж, орон нутгийн хөгжил, бодлогод үнэтэй хувь нэмэр оруулна гэдгийг аймгийн Засаг дарга Ц.Мөнхнасан хэлсэн үгэндээ онцоллоо.