Аймгийн баяр наадмыг зохион байгуулах комисс 6 дугаар сарын 30-нд хуралдаж салбар комиссын төлөвлөгөөтэй танилцлаа.   

Аймгийн наадмын үеэр уламжлалын дагуу бөх, сурын харваа, гар шагайн , морины уралдаан болохоос гадна наадмын нээлтийн ажиллагаа нилээд онцлогтой болно.

Аймгийн наадмын үеэр аймгийн алдартнуудад хүндэтгэл үзүүлэх, төрийн далбааны дүрсийг үүсгэсэн бөмбөлөг хөөргөх, Жаргалант сумын хүүхдүүдийн аягатай бүжиг, 90 хүүхдийн гимнастикийн үзүүлбэр, “Гэгээн алсын одод “ тэмцээнээс мөнгөн медаль хүртсэн Өлзийт сумын Б.Доржнамжин, Universe best songs дууны уралдааны шилдэг 25-ын нэг Эрдэнэбулган сумын харъяат А.Хишигдалай нарыг урьж оролцуулахаас гадна наадмын талбайн чимэглэл , өнгө үзэмжийг онцгой хэлбэрээр бэлтгэх юм.

Ерөнхий боловсролын сургуулийн сурагчдын дунд дараахь төрлөөр уралдааныг зарлаж байна.

1.Загвар зохион бүтээгч , дизайнер

2. Загвар өмсөгч

Хугацаа : 2011.11.18-ний өдөр

Хаана : Аймгийн Хүүхдийн төлөө хэлтсийн  Тамир соёлын төвд

Уралдааны талаарх мэдээллийг 99338800 утсаар авах боломжтой.

/ Аймгийн Хүүхдийн төлөө хэлтэс / 

Аймгийн дүнгээр 1116,7 тн гар тэжээл, 83.6 мянган тн хадлан бэлтгэж аймгийн нөөцөд 15 байгууллага 134 тн өвс, 14 тн тэжээл бэлтгэн нийлүүлсэн дүнтэй байна. 9 сарын сүүлчийн 7 хоногийн байдлаар төмс, хүнсний ногоо хураах ажил дуусаж, үр тариа хураах ажлын явц 75 орчим хувьтай байна.Энэ онд 5800 га-д уриншийн боловсруулалт хийлээ.Аймгийн 19 сумын 99 баг, 18 мянга гаруй өрхөд 3.4 сая орчим толгой мал сүргийг өвөлжүүлэх бэлтгэл зохион байгуулалтын арга хэмжээг авч хэрэгжүүлж байна.

/Аймгийн Засаг даргын Тамгын газрын Хөгжлийн бодлогын хэлтэс / 

Энэ сарын 12,13-ны өдрүүдэд Аймгийн  ЗДТГ,  БСГ, ХТХ, НҮБ-ын Хүүхдийн сан,ДЗМОУБ-ын  Архангай -1,2 ОНХХ– тэй хамтран “Хүүхдийн хүмүүжил төлөвшилд  - бидний оролцоо” аймгийн анхдугаар зөвлөлгөөнийг зохион байгууллаа.

Энэ сарын 3-ны өдөр орон нутгийн шийдвэр гаргах үйл явцад хүүхдийн оролцоог нэмэгдүүлэх, АХНЗ-ийг чадавхижуулах сургалтыг зохион байгууллаа.

Сургалтаар АХНЗ-ийн 20 гишүүнд хүүхдийн хөгжил, оролцоо, хамгаалал, АХНЗ-ийн зорилго, үйл ажиллагааны чиглэл, мэдээлэл цуглуулах, түгээх, мэдээлллийн хүртээмжийг нэмэгдүүлэх боломж зэрэг сэдвүүдийн хүрээнд мэдээлэл өгсөн.